नांद्रा (प्रतिनिधी)नांद्रा येथे दिनांक 21 मे रोजी केशव स्मृती प्रतिष्ठान जळगाव व ग्रामस्थ यांच्यातर्फे विविध कार्यक्रमांचे आयोजन करण्यात आलेले होते. गावातील स्वर्गीय दादासाहेब डब्ल्यू एस पाटील सर व डॉ आधार पाटील यांच्या संकल्पनेतून जलसंधारणाचे काम नियोजित केलेले होते. एप्रिल महिन्यात प्रतिष्ठान तर्फे सुमारे 211 तास पोकलेन मशीन ने ग्रामस्थांच्या डिझेल योगदानातून नाले खोलीकरण गाव व परिसरात करण्यात आले होते. या कार्याची पाहणी करण्यासाठी व गावाला एक सदिच्छा भेट देण्यासाठी केशव स्मृती प्रतिष्ठानचे अध्यक्ष माननीय श्री भरत दादा अमळकर, रोटरीचे अध्यक्ष माननीय श्री किशोर सूर्यवंशी जलनायक माननीय श्री शिवाजीराव भोईटे, जळगाव जनता सहकारी बँकेचे संचालक माननीय श्री राहुल पवार, कॅप्टन मोहन कुलकर्णी व्याख्याते श्री गिरीश कुलकर्णी जळके येथील सामाजिक कार्यकर्ते माननीय श्री रमेश आप्पा पाटील केशव स्मृतीचे माननीय श्री अनिलजी भोकरे साहेब हे आलेले होते. सर्वप्रथम सकाळी परिसरात झालेल्या खोलीकरणाची पाहणी उपस्थित सर्व मान्यवर व ग्रामस्थ यांनी केली. खोलीकरणाप्रसंगी काही ठिकाणी जिवंत पाण्याचे स्रोत लागल्याने उपस्थित मान्यवरांसह सर्वांनी समाधान व्यक्त केले. यानंतर गावातील संत गजानन महाराज मंदिरावर एक छोटासा संवादरुपी चर्चासत्र मेळावा आयोजित करण्यात आलेला होता. या मेळाव्यात केशव स्मृती प्रतिष्ठान व ग्रामस्थ यांच्यात सुसंवाद होऊन ग्रामविकासाच्या शिक्षण, आरोग्य,जलसंधारण या सह अनेक विषयांवर चर्चा करण्यात आली या प्रसंगी गावातील बहुसंख्य शेतकरी गट, महिला बचत गट उपस्थित होते व ग्रामस्थ उपस्थित होते. ग्रामस्थांचा याप्रसंगी असलेला उत्साह,स्वागताची अनोखी पद्धती गावाचे सुसंस्कारित वातावरण व गावातील एकोपा पाहून सर्व मान्यवर भारावून गेले. खोलीकरणाच्या कामी गावातील नंदकिशोर पाटील,अमृतराज पाटील,नाना चोपडे ,राजेश पाटील, गणेश पाटील,रघुनाथ आप्पा ,डॉ दीपक पाटील,नामदेव कोळी,हरीष पाटील या शेतकऱ्यांनी आर्थिक योगदान दिले त्यांचे विशेष कौतुक सर्व मान्यवरांनी या वेळी केले. केशव स्मृती प्रतिष्ठानची विविध सामाजिक कामे सामाजिक बांधिलकी याबद्दल माननीय श्री भरत दादा अमळकर यांनी सांगितले तसेच शिक्षण ,आरोग्य , शेतकरी व गावातील महिला बचत गट यांच्यासाठी मदतीस आम्ही तयार आहोत असे श्री भरत दादा अमळकर यांनी मनोगतातून याप्रसंगी सांगितले. त्याचप्रमाणे रोटरीच्या माध्यमातून गावासाठी नक्कीच विधायक मदत करण्यात येईल असे आश्वासन किशोरजी सूर्यवंशी यांनी याप्रसंगी दिले. पीक पद्धतीतील बदल, पशुसंवर्धन उद्योजकता विकास या विषयांवर श्री अनिलजी भोकरे साहेब यांनी अनमोल असे मार्गदर्शन केले. महिला उद्योजकांसाठी नवीन व्यासपीठ तयार व्हावे अशी मागणी गावातील महिला बचत गटातर्फे यावेळेस करण्यात आली त्याला सकारात्मक प्रतिसाद देताना केशवस्मृतीने आगामी काळात गावातून अधिकाधिक उद्योजक तयार होण्या होण्यासाठी प्रतिष्ठान व जळगाव जनता सहकारी बँक निश्चितच आधार देईल असे मान्यवरांनी सांगितले. गाव व परिसरातील सद्य पशु स्थिती, दूध उत्पादन क्षेत्रातील संधी याविषयी सहाय्यक पशु विकास अधिकारी डॉक्टर संदीप पाटील यांनी आपले मनोगत व्यक्त केले. महिला बचत गटातर्फे सौ रुपाली पाटील माया पाटील कविता पाटील यांनी आपले मनोगत व्यक्त करताना महिला सक्षमीकरणासाठी कोणकोणत्या उपाययोजना करता येतील याविषयी मत व्यक्त केले. तसेच जि. प .शाळेचे मंथन परीक्षत उत्तीर्ण झालेले विद्यार्थी रिषभ कोळी व हिमांशू पाटील तसेच मुख्याध्यापिका मेघा जावरे मॅडम यांचा सन्मान करण्यात आला .कार्यक्रमाच्या यशस्वीतेसाठी आदित्य साळवे राजेंद्र इंगळे प्रकाश खरे, सुनील पाटील, अविनाश वाघ, हरी पाटील यांनी परिश्रम घेतले कार्यक्रमाचे प्रास्ताविक व गावाच्या जलसंधारणाच्या कामाचा इतिहास गावाची सध्य स्थिती श्री हरीष पाटील सर यांनी मांडली. आभार प्रदर्शन श्री दिवाकर पाटील यांनी केले.
Leave a Reply