जामनेर (प्रतिनिधी) तहसीलदार, जामनेर आणि उपविभागीय अधिकारी जळगाव भाग जळगाव यांच्या कार्यालयामार्फत पळासखेडा बु., ता. जामनेर येथील श्री प्रकाशचंद जैन बहुउद्देशीय संस्था चे अध्यक्ष श्री राजकुमार प्रकाशचंद काकडीया यांच्यावर **दिनांक २८.०८.२०२५ रोजीच्या दंडात्मक आदेशानुसार एकूण ५,०४,१८,५८०/- (पाच कोटी चार लाख अठरा हजार पाचशे ऐंशी रुपये)** चा अवैध वाळू व मुरूम वापर व साठवणूक बाबत दंडात्मक आदेश पारित करण्यात आला आहे .
या आदेशानुसार, **श्री प्रकाशचंद जैन बहुउद्देशीय संस्थेने** पळासखेडा बु., ता. जामनेर येथील शासकीय गट नं. ८२/१/१, ८२/१/२, ८६/२/१, ८६/२/२ या जागेवर **अनधिकृत निवासी संकुल, फिजिओथेरपी इमारत, मुलींचे वसतिगृह, जलतरण तलाव व चेंजिंग रूम** अशा विविध बांधकामांची उभारणी केली होती या बांधकामांसाठी वापरण्यात आलेल्यागौणखनिजाची उपविभागीय अभियंता सार्वजनिक बांधकाम उपविभाग जामनेर यांचेकडील तांत्रिक पडताळणी अहवालानुसार **२१४६ ब्रास मुरुम आणि १०६२ ब्रास वाळू** असे एकूण **३२०८ ब्रास** गौण खनिज विनापरवाना वापरल्याचे निष्पन्न झाले आहे.
सदर तांत्रिक पडताळणी अहवालानुसार संबंधित संस्थेस नोटीस देऊन वाजवी संधी देऊन देखील खुलासा सादर न केल्याने ही कारवाई महाराष्ट्र जमीन महसूल अधिनियम, १९६६ च्या कलम ४८ (७) व ४८ (८) आणि महाराष्ट्र गौण खनिज (विकास व विनियमन) नियम, २०१३ मधील तरतुदींनुसार करण्यात आली आहे. दंडाची ही रक्कम आदेश प्राप्त झाल्यापासून **७ दिवसांच्या आत** शासनाकडे जमा करण्याचे निर्देश देण्यात आले आहेत.अन्यथा सदरची रक्कम ही महाराष्ट्र जमीन महसूल अधिनियम १९६६ चे कलम १७६ ते १८४ नुसार सक्तीने वसूल केली जाणार आहे.
या कारवाईमुळे अवैध बांधकामे आणि गौण खनिजांच्या गैरवापराला आळा घालण्यासाठी प्रशासन कटिबद्ध असल्याचे दिसून येते.
Leave a Reply